| ENG | GEO |
 |
შარდენის 12 რესტორანი შარდენზე მისამართი: თბილისი, შარდენის ქ. 12 ტელეფონი: +995 32 293 15 56; +995 77 248 04 60 მობილური: +995 577 52 97 79 ვებ-გვერდი: http://chardin12.info-tbilisi.com/ |
რესტორნის შესახებ
შარდენი სულ სხვააო, რომ ამბობენ, დაე თქვან... შენც იტყვი, თუ რესტორან "შარდენის 12"-ში მოხვდები. კარგია, არა მარტო მეგობრებთან ერთად დროის გასატარებლად, აგრეთვე ოჯახური ვახშმისათვის და საქმიანი შეხვედრებისთვისაც.
თეთრ წინსაფრიანი მომსახურე პერსონალი გულთბილად დაგხვდება. ე.ი. მომსახურების კულტურა კარგია. ეს უკვე ერთი პლიუსი. მეორე დიდი პლიუსი ინტერიერის შემქმნელს ჩემგან... მაღლა, კედელი რომ მთავრდება და ჭერი (ჭერი აგურისაა) იწყება, თაროებია, სადაც ბინა დაუდევთ ძველთაძველ თუნგს, წიგნებს, საანგარიშოს, სკივრებს, პატარა კასრებს, მუსიკალურ ინსტრუმენტებს, მადუღარას, გემებს აფრები გაუშლიათ და ღუზა ჩაუშვიათ ამ თაროებზე. საკერავი და საბეჭდი მანქანა კედელზე ჰკიდია... შესასვლელიდან მარცხენა მხარეს დგას ყავისფერი ფორტეპიანო, რომლის თავზე დიდი, შავ-თეთრი ფოტოა მოთავსებული, ფოტოდან ორი ქალბატონი იმზირება, "ხანუმებს~ გვანან, ძალიან მომეწონა. ჩემი ყურადღება მიიპყრო უზარმაზარმა, მწვანე აბაჟურმა, რომელიც 12-15 კაციან მაგიდას (მაგიდები მრგვალია და თეთრი სუფრით და თეფშებით მუდამ გაწყობილი) გადმოჰყურებს და ხოხბის ფიტულამ. ამ ყველაფერმა ძველი თბილისური კოლორიტი გააცოცხლა ჩემში და წარმოსახვებს ხელი ვერ შეუშალა იქვე არსებულმა ბარმა და მბზინავმა ჭიქა-ბოთლებმა.
რესტორანში, ყოველდღე, 21:00 - 24:00, ცოცხალი მუსიკა დაგატკბობს (ორშაბათი, ოთხშაბათი, პარასკევი, კვირა - ჯგუფი, "კერეუმი"; დღის საათებში - ნინო ჯაიანი (ფორტეპიანო); დანარჩენი დღეები - პაატა ანდრიაძე, ვალერი პელტეკიანი და ოთარ საგანელიძე).
ადგილობრივი მენიუ თბილისის წიაღში შობილი საზ. კვების ობიექტების მსგავსად, დიდად არ განსხვავდება. სამაგიეროდ, ყველაფერი ძალიან გემრიელია. უალკოჰოლო, გაზიანი, და ალკოჰოლიანი სასმელები მრავლად მოიპოვება "შარდენის 12"-ში. ერთი კოქტელის დასახელება მომეწონა, "რატო?მიტო"... ძნელია ამ სათაურის ცდუნებას გაუძლო.