| ENG | GEO |
  |
ძველი სახლი ქართული რესტორანი მისამართი: თბილისი, სანაპიროს ქ. 3 ტელეფონი: +995 32 292 34 97 ფაქსი: +995 32 98 27 81 ვებ-გვერდი: http://www.gmcgroup.ge |
რესტორნის შესახებ
რესტორანი "ძველი სახლი" 2001 წელს გაიხსნა მტკვრის მარჯვენა სანაპიროზე. რესტორანი გამოირჩევა ქართული ეთნოგრაფიული დიზაინითა და ხეში გამოთლილი ინტერიერით. თქვენს განკარგულებაშია ტრადიციული სამზარეულოს ფართო ასორტიმენტი, საუკეთესო ქართული ღვინო და ქართული ნაციონალური შოუ-პროგრამა ცოცხალი შესრულებით. "ძველ სახლში" შესვლისთანავე აღმოჩნდებით XIX-XX საუკუნეების ძველ თბილისში: ქართული აგურით მოპირკეთებული გალავანი, ნამდვილი ქართული ეზო-კარი, ოდა- სახლები და ქვით ნაგები ბუხარი. დარბაზის კედლებზე გამოფენილია ქართული ისტორიული საბრძოლო იარაღები და საყოფაცხოვრებო ნივთები.
ძირითადი დარბაზი მასპინძლობს 110 სტუმარს. ეზოში განცალკევებული 8 დარბაზი, აქედან: სამი - გათვალისწინებულია 10 სტუმრისათვის, სამი - 6 სტუმრისათვის, ერთი- 4 სტუმრისათვის და ერთი - 15-დან 35 ადამიანისთვის. ზაფხულის ცხელ დღეებში საშუალება გაქვთ ესტუმროთ ღია ტერასას, რომელიც 80 სტუმარზეა გათვლილი. რესტორანში ასევე 2 ვიპ - დარბაზია. (6-7 და 20 სტუმარზე)
"ძველი სახლის" მიმდებარე ტერიტორიაზე ფუნქციონირებს დუქანი, სადაც წარმოდგენილია ხინკლის, ქაბაბისა და სხვა ტრადიციული ქართული სამზარეულოს კერძები. ამას გარდა, "ძველი სახლი" გთავაზობთ აგრეთვე სადღესასწაულო წვეულებების, ბანკეტებისა და ფურშეტების მომსახურებას, ქეითერინგის სერვისს.
იმოგზაურეთ ისტორიულ საქართველოში "ძველ სახლთან" ერთად.
დუქანი მუშაობს ყოველდღე: 10:00 სთ-დან - 20:00სთ-მდე;
რესტორანი მუშაობს ყოველდღე: 12:00 სთ-დან - 24:00სთ-მდე;
სამზარეულო მუშაობს: 12:00 სთ-დან - 24:00 სთ-მდე;
მუსიკალური პროგრამა: 20:00 სთ-დან - 23:00 სთ-მდე