ვახო ბუღაძის პერსონალური გამოფენა – „ნული“

ვახო ბუღაძის პერსონალური გამოფენა – „ნული“

ვახო ბუღაძის პერსონალური გამოფენა – „ნული“

საქართველოს ეროვნული მუზეუმი წარმოგიდგენთ ვახო ბუღაძის პერსონალურ გამოფენას „ნული“ დიმიტრი შევარდნაძის სახელობის ეროვნულ გალერეაში. 
“ხატვის პროცესი 2017 წლის სექტემბრიდან 2019 წლის მაისამდე მთლიანად მოულოდნელობებზე იყო დამყარებული. ამ მოულოდნელობებს განაპირობებდა მეთოდი და მასში გამოყენებული საღებავი (აკვარელი). შედეგს ნამუშევრის დამთავრებისთანავე ვერ ვხედავდი. მხოლოდ მეორე დღეს შემეძლო ნამუშევრის სრულყოფილად დათვალიერება. არ ვიცოდი დღეღამის განმავლობაში როგორ გაშრებოდა, რა სიურპრიზს შემომთავაზებდა ტილოზე საღებავში დიდი რაოდენობით გამოყენებული წყალი. ჩემი მდგომარეობა რაღაცით იმ ადამიანის მდგომარეობას გავდა, რომელიც დილით მოელის მნიშვნელოვან ტელეფონის ზარს... ყოველი შემდეგი დღე იწყებოდა იგივე მოლოდინით და იმავე წერტილიდან – ნულიდან.” - ვახო ბუღაძე. 

გამოფენის გახსნა: 4 ივნისი | 19:00
ხანგრძლივობა: 4 ივნისი - 4 ივლისი, 2019 
მისამართი: დიმიტრი შევარდნაძის სახელობის ეროვნული გალერეა, შ. რუსთაველის გამზ. 11