| ENG | GEO |
 |
ქართული სახლი ქართული რესტორანი მისამართი: თბილისი, გიორგი ახვლედიანის ქ. 23 ტელეფონი: +995 32 293 50 57 მობილური: +995 599 58 15 43 ვებ-გვერდი: http://kartulisakhli.info-tbilisi.com/ |
რესტორნის შესახებ
სულ ცოტა ხნის წინ, თბილისის ერთ-ერთ ძველ უბანში - გიორგი ახვლედიანის ქ. 23-ში (ჩვენთვის კარგად ნაცნობ პეროვსკაიას ქუჩაზე) გაიხსნა ახალი რესტორანი "ქართული სახლი".
ქართული აგურით მოპირკეთებულ კედლებზე ძველი ტფილისის შავთეთრი პეიზაჟები, თიხის ჭურჭელი, ეროვნული ორნამენტები - ყოველივე ეს "ქართული სახლის" ინტერიერს XIX საუკუნის განუმეორებელ კოლორიტს სძენს.
აქ შექმნილი ატმოსფერო თავს ქართველი თავადიშვილის სტუმრად გაგრძნობინებთ: სადა და მდიდრული გარემო, უგემრიელესი კერძები, საგანგებოდ შერჩეული მუსიკალური თანხლება - კიდევ ერთხელ გვაგონებს წინაპრების მიერ სათუთად შემონახულ სტუმარმასპინძლობის წმინდა ადათს.
ქართველ დიდგვაროვანთა ქეიფი ისტორიას ხელოვნების ნიმუშად შემორჩა. სიმღერა, სადღეგრძელო, ლექსი, ურთიერთობა - ჩვენი კულტურის ერთ-ერთ უმნიშვნელოვანეს ნაწილს წარმოადგენს.
დღეს "ქართული სახლი" გვხიბლავს უძველესი ტრადიციებითა და თანამედროვე სტილის შერწყმით. ტრადიციულ სამზარეულოსთან ერთად რესტორნის სტუმრებს ბარი მოემსახურებათ, რომელიც უცხოური სასმელებისა და კოქტეილების ნაირფეროვნებას გვთავაზობს.
"ქართულ სახლში" თქვენ გეძლევათ შესაძლებლობა. დააგემოვნოთ არა მხოლოდ ჩვენი ქვეყნის ნებისმიერი კუთხის დამახასიათებელი, არამედ საუცხოო ევროპული სამზარეულოც.
სტუმრების კარგ განწყობაზე სტუმართმოყვარე მომსახურე პერსონალი ზრუნავს.
ტრადიციული ქალაქური სიმღერები ცოცხალი შესრულებით რესტორნის ისედაც კოლორიტულ ატმოსფეროს კიდევ უფრო მიმზიდველსა და მყუდროს ხდის.
"ქართული სახლი" - ეს არის ადგილი, რომელიც სრულად ამართლებს თავის სახელს: აქ თქვენ აუცილებლად შეიგრძნობთ საქართველოს, როგორც აღმოსავლეთისა და დასავლეთის საუცხოო შერწყმის უნიკალურობას.
"ქართული სახლი" თავის სტუმრებს სთავაზობს დღესასწაულების ორგანიზებასა (დაბადების დღე, იუბილე, მეგობრებთან შეხვედრა და ა. შ.) და მაგიდების წინასწარ დაჯავშნას.