| ENG | GEO |
 |
ბითლზ კლუბი 'ქევერნ კლაბი' თბილისში მისამართი: თბილისი, კოსტავას ქ. 25 ტელეფონი: +995 32 292 09 50 მობილური: +995 599 91 99 01 ვებ-გვერდი: http://thebeatlesclub.info-tbilisi.com/ |
კლუბის შესახებ
მე-20 საუკუნის ორი გენიოსის, ჯონ ლენონისა და პოლ მაკარტნის შეხვედრით ჩვენ პლანეტაზე "ბითლზის" ეპოქა და შესაბამისად, მუსიკალურ სამყაროში რევოლუციური მოძრაობა დაიწყო. "რევოლუციის" ტალღამ ერთდროულად გადაუარა თითქმის ყველა ქვეყანას. მათ შორის (შედარებით ვიწრო მასშტაბებით)-საბჭოთა კავშირსაც. ბითლომანიის ნიავმა, რაოდენ გასაკვირიც არ უნდა იყოს, სხვა მოძმე რესპუბლიკებთან შედარებით, საქართველოში ყველაზე ადრე შემოაღწია. ეს ნიავი ძალიან მალე ქარიშხლად გადაიქცა და 60-იანი წლების თბილისელი ახალგაზრდობა ბითლომანიის მორევში ჩაითრია. ამ ეპოქას კი, შედეგად საუკეთესო ქართველი როკ-შემსრულებლების დაბადება მოყვა. ამავე ეპოქაში იშვა თანამედროვე ახალგაზრდობის ცნობიერებაში თავისუფლების იდეა. ქალაქის მიწისქვეშეთში პირველი ქართველი ჰიპები გამოჩნდნენ..."ბითლზის" პირველი მენეჯერის, ალენ უილიამსის თბილისში ჩამოსვლა კი, ზემოთქმულის ერთგვარი აღიარება იყო. კულმინაცია კი, თბილისის ცენტრში, ლეგენდარული ლივერპულური "ქევერნ ქლაბის" პროექტით აშენებული უნიკალური "ბითლზ კლუბია", რომელსაც პოსტ-საბჭოთა სივრცეში ბადალი არ ჰყავს.
***
კლუბი ფანების მიერ არის შექმნილი და ლეგენდალური მუსიკოსების სული აქ ნამდვილად სუფევს ნივთების, ფოტოების და ნახატების სახით.
თავდაპირველად ცოცხალი დაცვის გავლა მოგიწევს. თუ 18 წლამდე ხარ, ამას ნურც ეცდები. დაცვის გავლის შემდეგ თამამად შეგიძლია ჩაუყვე ხის კიბეებს, რომლის ქვეშაც, შუშის პატარა მუზეუმია მოწყობილი, სადაც ინახება The Beatles ჯგუფის წევრების მაიკები, ფირფიტები, გულსაბნევები მათი გამოსახულებით და აღმოჩნდები დიდ დარბაზში, რომელიც სამად არის გაყოფილი: პირველ დარბაზში არის სცენა. სცენა ზუსტი კოპიოა ლივერპულში არსებული იმ ტავერნასი, სადაც პირველად გამოდიოდა ლეგენდალური ჯგუფი. მეორე დარბაზს ამშვენებს სერჟანტ პეპერსის პანო, სადაც ჯგუფის ოთხივე წევრი სამხედრო ფორმაში გამოწყობილან. შეხვდებით ლენონის გიტარის ზუსტ კოპიოს და ჯგუფის წევრების ფოტოებს. მესამე, ბარის დარბაზი ისეა გაწყობილი, რომ ზუსტად ასოცირდება იმ ცნობილი მულტფილმთან, რომელსაც "ყვითელი წყალქვეშა ნავი" ჰქვია და სადაც მთავარი პერსონაჟები The Beatles ჯგუფის ოთხივე წევრია.
სამზარეულო კლუბში შერეულია, ქართულ-ევროპული და ეგზოტიკური. მენიუ მრავალფეროვანია და გარწმუნებ ყველაფერი ზედმიწევნით მსუყე და გემრიელია. აქვთ საფირმო ნაყინი, საფირმო კერძი და საფირმო კოქტეილი The Beatles.
ლეგენდალური ჰგუფის წევრების დაბადების დღეებს განსაკუთრებით აღნიშნავენ კლუბში. ამ დღეებში თქვენთვის იმღერებს ცოცხლად ჯგუფი "ბლიცი" (ჯგუფი 5 წელი მოღვაწეობდა ლონდონში და მრავალი ჯილდოც აქვს აღებული. კლუბში, ხშირად, დღის საათებში ტარდება როკ-ფართი. იყავი ყურადღებით არ გამოგეპაროს, აუცილებლად მოგეწონება. საღამოს 8 საათზე კლუბი იხსნება The Beatles სიმღერებით, რომლის შენდეგ, დიჯეი აქტიურად შეუდგება თავის საქმეს, დაგატკბობთ როგორც 60 წლების ჰიტებით, ასევე თანამედროვე ჰიტებითაც და შენ შეგიძლია დილის ექვს საათამდე წაქცევამდე იცეკვო.
დღის საათებში კლუბი იწვევს როგორც პატარებს, ასევე მოზარდებს დაბადების დღის აღსანიშნავად. ამ საათებში კლუბი მთლიანად მათ განკარგულებაში იქნება.
მოკლედ, ეს ის ადგილია, სადაც შეგიძლია მეგობრებთან ერთად კარგად გაერთო, მოუსმინო დახვეწილ მუსიკას და მიირთვა უგემრიელესი კერძები.