| ENG | GEO |
|
ინფო-თბილისის ტურები ტურები საქართველოში მისამართი: თბილისი, ნ. ნიკოლაძის ქუჩა 6 ტელეფონი: +995 32 218 22 44; +995 32 294 58 84 მობილური: +995 599 33 33 53 ფაქსი: +995 32 298 72 54 ელ-ფოსტა: travel@info-tbilisi.com ვებ-გვერდი: http://travel.info-tbilisi.com/ |
|||
|
||||
 ჯიპ ტურები |
 აზერბაიჯანი |
 სომხეთი |
 კავკასია |
 ბაკურიანი |
 გუდაური |
| სომხეთი, ქრისტიანობის ოაზისი
სომხეთი - კულტურული ტური (8 დღე) სომხეთი თავისი მდებარეობის წყალობით ქრისტიანულ ოაზისად ითვლება. ეს არის ქვეყანა, სადაც პირველი რელიგიური ომი მოხდა. ნოეს კიდობანი გაჩერდა ბიბლიურ მთა არარატზე, რომელიც ისტორიულ სომხეთში მდებარეობს. ეს არის ქვეყანა, სადაც იგრძნობთ ჭეშმარიტ ქრისტიანობას! |
|
| დღე 1: | ჩამოსვლა/ერევნის ტური |
| დღე 2: | ზვარტნოტის აეროპორტში ჩასვლა. აეროპორტში დახვედრა, სასტუმროში განთავსება, დასვენება. საუზმე სასტუმროში. ტური ერევანში. ერევანის ისტორია ქრისტეს შობამდე მე-8 საუკუნიდან იწყება. დედაქალაქის 3,000 წლიანი ისტორიის პატარა ნაწილი შემორჩა. ერევნის ცენტრში ერთ დროს დომინირებდა უზარმაზარი შენობა, რომელიც საბჭოთა კავშირის სტილზე იყო აგებული, მაგრამ დღევანდელი აქტიური მშენებლობების გამო, მრავალი თანამდეროვე სტილის შენობა აღიმართა და მომავალში აღიმართება. ტურის განმავლობაში თქვენ ნახავთ რესპუბლიკის მოედანს, რომელიც მოწყობილია ტრადიციულ სომხურ არქიტექტურულ სტილზე და მოიცავს მთავრობის სასახლეს, საგარეო საქმეთა სამინისტროს, ცენტრალურ საფოსტო ოფისს, ნაციონალურ ხელოვნების გალერეას. თქვენ ასევე იხილავთ ოპერას, გამარჯვების პარკს სომხეთის დედის ქანდაკებით, სპორტულ და საკონცერტო კომპლექსებს, კიევიან ხიდს, მაგრამიანის გამზირს, პრეზიდენტის სასახლეს, მეცნიერებათა აკადებიას. აქ არის აგრეთვე პარლამენტი, მწერალთა კავშირი და ხილის ბაზარი. ლანჩი ადგილობრივ რესტორანში. წიწერნაკაბერდის მემორიალურ პარკში ვიზიტი და გენოციდის მსხვერპლთა მუზეუმი. პაპის სომხეთში ვიზიტისას, მან პატივი მიაგო სომხებს, რომლებიც ოტომანის თურქების მიერ იქნენ მოკლულნი 1915-1920 წლებში. მან გვირგვინით შეამკო გენოციდის მემორიალი და დარგო ნაძვი მემორიალურ პარკში. სომხეთის ისტორიის მუზეუმის დათვალიერება. ექსკურსია გრიგორ ლუსავორიჩის უზარმაზარ ეკლესიაში. ამ ეკლესიის გახსნის ცერემონიალი აკურთხა მისმა უწმინდესობამ ჯონ პაულ მე-2. სომხეთში ვიზიტის დროს მან იტალიის წმ. გრეგორიო დი ნაპოლის ეკლესიიდან ჩამოიტანა გრიგორ ლუსავორიჩის-პირველი კათოლიკე სომეხის წმინდა ნაწილები. ვახშამი და ღამის გათენება ერევანის სასტუმროში. |
| დღე 3: | წმინდა ზღვა ეხმიაძინი/ზვარტნოტსი/ვერნისაჟი სასტუმროში საუზმის შემდგომ ეხმიაძინში გამგზავრება, რომელიც ერევნიდან დაახლოებით 20 კმ.-ში მდებარეობს. იგი ცნობილია, როგორც სომხური-გრეგორიანული ეკლესიის ცენტრი და მსოფლიოს პირველი ქრისტიანული ეკლესია. ლეგენდის თანახმად იესო ქრისტე სწორედ აქ დაეშვა სამოთხიდან, რათა ეჩვენებინა, თუ სად აეგოთ ეკლესია. ამიტომ ეხმიაძინი ნიშნავს „ციდან დაშვებულ ერთადერთ შვილს“. ეკლესია აშენდა 301-303 წლებში სომეხი მეფის, ტირიდატე მე-3-ის და პირველი კათოლიკეს წმ. გრეგორი განმანათლებლის მიერ. კათედრალურ საგანძურში ვიზიტი. აქ ინახება სომხური ეკლესიის ძირითადი რელიკვიები, როგორიცაა წმინდა შუბი, რომლითაც დაჭრეს იესო ჯვარცმის დროს, ცნობილი ნოეს კიდობნის ნაწილი, მირონის თასი, სადაც წმინდა მირონი მზადდება 7 წელიწადში ერთხელ. სომხური ეკლესიის ცენტრი, ეხმიაძინი მოინახულა მისმა უწმინდესობამ ჯონ პაულ მე-2. წმ. რიპსიმეს და წმ. გაიანეს (630 წელი) ეკლესიები, რომლებიც სომხური არქიტექტურის ნამდვილი შედევრებია. წმ. რიპსიმეს ეკლესია სომხეთის 7 საოცრებიდან ერთ-ერთია. ერევანში დაბრუნება. გზაზე გავჩერდებით ზვარნოტსის ტაძართან - მე-7 საუკუნის არქიტექტურის მარგალიტი. ლანჩი ნაციონალურ რესტორანში, ქალაქ ერევანში. ვეწვევით ღია ცის ქვეშ ბაზრობას ვერნისაჟს, სადაც უიკენდებზე ასობით გამყიდველი შემოგთავაზებთ ნაკეთობების ფართო არჩევანს. აქ შეხვდებით ანტიკვარიატს, შალის ხალიჩებს, ნაქარგებს, სხვადასხვა ხის ნაკეთობებს და ა.შ. ვახშამი ნაციონალურ რესტორანში. ერევანში ღამის გათენება. |
| დღე 4: | საგმოსავანკი/ამბერდის ციხესიმაგრე/სანაჰინი და ჰაგპატის მონასტრები/ძორაგეთი ექსკურსია მე-13 საუკუნი საგმოსავანკის მონასტერში. მისი სახელი ითარგმნება, როგორც „ფსალმუნების მონასტერი“. ტრადიციის მიხედვით, როდესაც მონასტერი შენდებოდა მოციქულები კითხულობდენ ფსალმუნებს 40 დღის განმავლობაში, აქედან ეწოდა მონასტერს „ფსალმუნების მონასტერი“. შემდგომ ვეწვევით ამბერდის ციხესიმაგრეს, მისი სახელწოდება ითარგმნება, როგორც „ციხესიმაგრე ღრუბლებში“ - ეს სახელი მისი მდებარეობის გამო ეწოდა (2,300 მ. არაგატის მთაზე). ამბერდის საუცხოო სასახლე აშენდა მე-9-13 საუკუნეებში. ორსართულიანი შენობა, გრანდიოზული კიბეებით. სასახლე დაცულია კედლებითა და კოშკებით. ციხესიმაგრიდან ბოშორებით დაბლა მთაზე მდებარეობს ეკლესია, რომელიც აშენდა 1026 წელს არქიტექტორ ვაჰრამ პახლავუნის მიერ. ასე რომ, სადაც არ უნდა წახვიდეთ, ციხესიმაგრის თუ სხვა ადგილის მოსანახულებლად, ყოველთვის შეხვდებით ეკლესიას, როგორც სომხების ქრისტიანული რწმენის მტკიცებულებას. ლორის რეგიონში გამგზავრება. ტური იწყება არქიტექტურული კომპლექსის სანაჰინის (966 წ.) და ჰაგპატის (976 წ.) დათვალიერებით, რომლლებიც სომხეთის შუა საუკუნეების არქიტექურის შესანიშნავი ნიმუშებია და იუნესკოს მსოფლიოს ძეგლთა დაცვის ნუსხაშია შესული. ერთი ეპოქის ამ ორი მონუმენტის არქიტექტურული დეტალები და დეკორაციები ერთმანეთისაგან ძალიან არ განსხვავდება და ზოგიერთ შემთხვევაში ძალიან გავს ერთმანეთს, რაც გვაფიქრებინებს, რომ ისინი ერთი და იმავე სკოლის ხელოსნების მიერ იქნა აგებული. ვახშამი და ღამის გათენება სასტუმროში „ავან ძორაგეთი“. |
| დღე 5: | ძორაგეთი/დილიჯანი/გოშავანკი/სევანის ტბა/ნორადოუზი/ერევანი დილიდან ადრე გავემგზავრებით სოფელ ძორაგეთიდან დილიჯანისაკენ, რომელიც სომხეთის ერთ-ერთი ყველაზე განთქმული კურორტია. ამბობენ „სამოთხეს რომ ქონდეს მთები, ტყეები და მინერალური წყაროები, ის დილიჯანი იქნებოდა“. მისი ბუნებრივი სილამაზის გამო მას „სომხეთის პარატა შვეიცარიას“ უწოდებენ. მდინარე აგსტევის ზედა ნაწილთან მდებარეობს გოშავანკის მონასტერი(12-13 საუკუნეები), რომელიც შედის დილიჯანის რაიონში. იგი მდებარეობს ხშირ მუხის ტყეში, პატარა, მაგრამ დაუდეგარი მთის კალთაზე. ტურს გავაგრძელებთ სევანის ტბისაკენ, სადაც გავსინჯავთ ადგილობრივ თევზს. ერევნიდან დაახლოებით 70 მილის დაშორებით ჩრდილოეთით, ტბა სევანი არის მსოფლიოში უდიდესი ალპური ტბა. უზარმაზარი მთის ტბა, რომელსაც სომხეთის ტერიტორიის 5% უკავია, იგი არის 2,000 მეტრზე ზღვის დონიდან და მსოფლიოს მეორე ყველაზე მაღლა მდებარე მტკნარწყლიან ტბად ითვლება. გავაგრძელებთ გზას ნორადოუსისაკენ - უძველესი და ერევანში ყველაზე დიდი „ხაჩკარების“ (ქვაზე ამოკვეთილი ჯვრით) სასაფლაო, რომელიც მე-7-10 საუკუნეებით თარიღდება. ერევანში დაბრუნება. ვახშამი და ღამის გათენება. |
| დღე 6: | ქორ ვირაპი/არენი/ნორავანკი. ქორ ვირაპის მონასტრის დათვალიერება. იგი თარიღდება მე-4-17 საუკუნეებით და მდებარეობს ერევნიდან 45 კმ.-ზე. მონასტერს აქვს მდიდარი ისტორია, როგორც რელიგიური, ისე სოციალური. ქორ ვირაპი აშენდა არტაშატში, არშაკიდების დინასტიის დროს. იმ დროისთვის იგი გამოიყენებოდა, როგორც საპყრობილე. მე-4 საუკუნის 60-იან წლებში არტაშატი აოხრებულ იქნა სპარსელი დამპყრობლების მიერ. მონასტერი მდებარეობს არარატის ველზე, ბიბლიური არარატის მთის მოპირდაპირედ. მისი მნიშვნელობა დაკავშირებულია გრეგორი განმანათლებლის სახელთან, რომელმაც შეიტანა ქრისტიანობა სომხეთში და ცნობილია, როგორც პირველი სომეხი კათოლიკე. ტურს ვაგრძელებთ ნორავანკის მონასტერში - მე-12 საუკუნის უდიდესი რელიგიური და კულტურული ცენტრი. გზაზე ვეწვევით ადგილს, სადაც ღვინოს ამზადებენ, გავსინჯავთ სპეციალური სახეობის ღვინოებს. ნორავანკი („ახალი მონასტერი“) არის ერევნიდან 122 კმ.-ზე დაშორებული და მდებარეობს არაჩვეულებრივ ბუნებაში, მიუსავალ ადგილას. მონასტრის უძველესი ნაწილი არის წმ. კარაპეტის ეკლესია (9-10 საუკუნეები), რომელმაც ჩვენამდე ვერ მოაღწია. ლანჩი ადგილობრივ გამოქვაბულის კაფეში. დედაქალაქში დაბრუნება. ვახშამი და ღამის გათენება ერევნის სასტუმროში. |
| დღე 7: | მათენადარანი/გარნი/გეგჰარდი მათენადარანის მონახულება, უძველესი ხელნაწერების საცავი. აქ არის მრავალსაუკუნოვანი ისტორიული დოკუმენტები მთელი ევროპიდან და აზიიდან. არის აგრეთვე პირვველი ასლი ბიბლიისა სომხურად და სახარება, რომელიც აღაფრთოვანებს თავისი ულამაზესი გაფორმებით. გარნის ეკლესის დათვალიერება. გარნი არის ულამაზესი ელინური პერიოდის მონუმენტი და სომხური არქიტექტურის შთამბეჭდავი ნიმუში. იგი აიგო პირველ საუკუნეში სომეხი მეფის, ტირიდატეს მიერ და სავარაუდოდ მიძღვნილია ღმერთი მიტრასადმი, მზის ღმერთი, რომლის ქანდაკება იდგა საკურთხევლის სიღრმეში. ქრისტიანობის სახელმწიფო რელიგიად გამოცხადების შემდეგ, 301 წელს, სავარაუდოდ გარნი გამოიყენებოდა მეფეების საცხოვრებლად. ლანჩი გარნში, ერთ-ერთ სახლში, სადაც თქვენ საშუალება გექნებათ ნახოთ, როგორ ცხვება სომხური „ლავაში“, მწვადის შეწვის პროცესი მიწაში გაკეთებულ ღუმელში „ტონირი“. გარნის ჩრდილო-დასავლეთით აზატის მდინარის გასწვრივ არის შუა საუკუნეების შესანიშნავი არქიტექტურის ნიმუში - გეგჰარდის მონასტერი, რომელიც შესულია იუნესკოს მსოფლიო კულტურული მემკვიდრეობის ძეგლთა ნუსხაში. გეგჰარდი არის მეორე არაჩვეულებრივი უძველესი სომხური მონასტერი, რომლის ნაწილიც მდებარეობს მთაში. სახელწოდება ითარგმნება, როგორც „შუბის მონასტერი“, რომელიც წამოვიდა შუბიდან, რომლითაც დაჭრეს იესო ქრისტე მისი ჯვარცმის დროს, იგი სომხეთში ჩამოიტანა მოციქულმა თადეუსმ და შენახულ იქნა ბევრ სხვა რელიკვიასთან ერთად. ამჟამად ისტორიული შუბი ინახება ეხმიაძინის საგანძურში. შენობაში შესასვლელი გარემოცულია სამი მხრიდან მაღალი კედლებით და მეოთხე მხარეს მთით. მონასტრის კომპლექსის გარეთ არის რამოდენიმე გამოქვაბული, რომელშიც არის რამოდენიმე პატარა გამოქვაბული ოთახი. გამოსამშვიდობებელი ვახშამი. ღამის გათენება ერევნის სასტუმროში |
| დღე 8: | გამგზავრება აეროპორტში გაცილება. |
მოთხოვნის შემთხვევაში მოგაწვდით დამატებით დეტალებს
შენიშვნა: ტურის ხანგრძლივობა უნდა ჯდებოდეს თქვენი ჩამოსვლისა და გამგზავრების თარიღებს შორის.
პაკეტი მოიცავს:
- აეროპორტი-სასტუმრო-აეროპორტი დახვედრას, სასტუმროში განთავსებასა და გაცილებას;
- შიდა მგზავრობას;
- ტურის გიდს;
- სასტუმროს (ქალაქებში) ორ-კაციან ნომერში მოწყობას;
- სამჯერადი კვება: საუზმე, ლანჩი, ვახშამი
- მუზეუმში შესასვლელი ხარჯები
ფოტო გალერეა
 |  |  | ||
 |  |  | ||
 |  | |||