| ENG | GEO |
|
ინფო-თბილისის ტურები ტურები საქართველოში მისამართი: თბილისი, ნ. ნიკოლაძის ქუჩა 6 ტელეფონი: +995 32 218 22 44; +995 32 294 58 84 მობილური: +995 599 33 33 53 ფაქსი: +995 32 298 72 54 ელ-ფოსტა: travel@info-tbilisi.com ვებ-გვერდი: http://travel.info-tbilisi.com/ |
|||
|
||||
 ჯიპ ტურები |
 აზერბაიჯანი |
 სომხეთი |
 კავკასია |
 ბაკურიანი |
 გუდაური |
| სომხეთი - უძველესი "მოლაპარაკე ქვების" ქვეყანა
სომხეთი-კულტურული ტური (10 დღე) ძნელი დასაჯერებელია, რომ სომხური კარაჰუნჯი (სტოუნჰენჯი) ინგლისის სტოუნჰენჯზე ძველია. დამტკიცდა, რომ კარაჰუნჯი, ასტროლოგიური ობსერვატპორია, აქტიურად გამოიყენებოდა 7,500 წელზე მეტ ხანს - ქრისტეს შობამდე მე-6 ათასწლეულში, ეგვიპტურ პირამიდებამდე 3,000 წლით და ცნობილი ინლისის სტოუნჰენჯამდე 3,500 წლით ადრე. "კარ" ითარგმნება როგორც "ქვა" და "ჰუნჯი" წარმოდგება "ჰუნჩი"-დან, რაც წარმოდგა სომხური სიტყვიდან "ჰნჩინ" ანუ ხმა. ასე რომ, კეთილი იყოს თქვენი მობრძანება "მოლაპარაკე ქვების" უძველესი ცივილიზაციის ქვეყანაში. |
|
| დღე 1: | ჩამოსვლა/ერევნის ტური |
| დღე 2: | ზვარტნოტის აეროპორტში ჩასვლა. აეროპორტში დახვედრა, სასტუმროში განთავსება, დასვენება. საუზმე სასტუმროში. ტური ერევანში. ერევანის ისტორია ქრისტეს შობამდე მე-8 საუკუნიდან იწყება. დედაქალაქის 3,000 წლიანი ისტორიის მხოლოდ პატარა ნაწილი შემორჩა. ერევნის ცენტრში ერთ დროს დომინირებდა საბჭოთა კავშირის სტილზე აგებული უზარმაზარი შენობა, მაგრამ დღევანდელი აქტიური მშენებლობების გამო, მრავალი ახალი თანამდეროვე სტილის შენობა აღიმართა და მომავალში აღიმართება. ტურის განმავლობაში თქვენ ნახავთ რესპუბლიკის მოედანს, რომელიც მოწყობილია ტრადიციულ სომხურ არქიტექტურულ სტილზე და მოიცავს მთავრობის სასახლეს, საგარეო საქმეთა სამინისტროს, ცენტრალურ საფოსტო ოფისს, ნაციონალურ ხელოვნების გალერეას. თქვენ ასევე იხილავთ ოპერას, გამარჯვების პარკს, სომხეთის დედის ქანდაკებით, სპორტულ და საკონცერტო კომპლექსებს, კიევიანის ხიდს, მაგრამიანის გამზირს, პრეზიდენტის სასახლეს, მეცნიერებათა აკადებიას. აქ არის აგრეთვე პარლამენტი, მწერალთა კავშირი და ხილის ბაზარი. ლანჩი ადგილობრივ რესტორანში. ვიზიტი წიწერნაკაბერდის მემორიალურ პარკში და გენოციდის მსხვერპლთა მუზეუმში. დღის მეორე ნახევარში მოვინახულებთ სომხეთის ისტორიის მუზეუმს, სადაც მნიშვნელოვანი არქეოლოგიური კოლექციაა ქვის ხანიდან მოყოლებული. ვახშამი. ერევნის სასტუმროში ღამის გათენება. |
| დღე 3: | ერევანი/ქორ ვირაპი/სოფელი არენი/ნორავანკი/გორისი ქორ ვირაპის მონასტრის დათვალიერება. იგი თარიღდება მე-4-17 საუკუნეებით და მდებარეობს ერევნიდან 45 კმ.-ზე. მონასტერს აქვს მდიდარი ისტორია, როგორც რელიგიური, ისე სოციალური. ქორ ვირაპი აშენდა არტაშატში არშაკიდების დინასტიის დროს. იმ დროისთვის იგი გამოიყენებოდა, როგორც საპყრობილე. მე-4 საუკუნის 60-იან წლებში არტაშატი აოხრებულ იქნა სპარსელი დამპყრობლების მიერ. მონასტერი მდებარეობს არარატის ველზე, ბიბლიური არარატის მთის მოპირდაპირედ. მისი მნიშვნელობა დაკავშირებულია გრეგორი განმანათლებლის სახელთან, რომელმაც შეიტანა ქრისტიანობა სომხეთში და ცნობილია, როგორც პირველი სომეხი კათოლიკე. ტურს ვაგრძელებთ ნორავანკის მონასტერში - მე-12 საუკუნის უდიდესი რელიგიური და კულტურული ცენტრი. გზაზე ვეწვევით ადგილს, სადაც ღვინოს ამზადებენ, გავსინჯავთ სპეციალური სახეობის ღვინოებს. ნორავანკი ("ახალი მონასტერი") არის ერევნიდან 122 კმ.-ზე დაშორებული და მდებარეობს არაჩვეულებრივ ბუნებაში, მიუსავალ ადგილას. მონასტრის უძველესი ნაწილი არის წმ. კარაპეტის ეკლესია (9-10 საუკუნეები). ლანჩი ადგილობრივ გამოქვაბულის კაფეში. გორისის ქალაქ სიუნიკში გამგზავრება. ზორატს კარერის (კარაჰუნჯი) ქრისტეს შობამდე 4200 წლის ასტროლოგიური ობსერვატორია და სპილენძის ხანის "ვიშაპის" (დრაკონი) ქვები. გორისში ჩასვლა, ქალაქის შესასვლელთან გაჩრება პანორამული ხედების დასათვალიერებლად. ვახშამი და ღამის გათენება გორისის სასტუმროში. |
| დღე 4: | გორისი/ხანძორესკი/თათევის მონასტერი. ტურს დავიწყებთ ქალაქი გორისით. ვეწვევით დიგ დიგის ქვებს - ბუნებრივ მონუმენტს. გორისი მდებარეობს მწვანე მთებში, მრავალი საინტერესო წარმონაქმნითა და დასახლებული გამოქვაბულებით, გორისში არის ულამაზესი სომხური არქიტექტურა. ტური ხანძორესკში, გამოქვაბულ სოფელში, სადაც მრავალი ნიშანია ძველი დასახლებების, რომლებიც აღმოჩენას ელოდებიან. თქვენ ნახავთ, რომ გამოქვაბულების ნაწილი ადამიანის მიერ არის შექმნილი და გამოიყენებოდა როგორც სახლები. დავათვალიერებთ თატევის სამონასტრო კომპლექსს, არქიტექტურულ შედევრს (შედის იუნესკოს კულტურული მემკვიდრეობის ნუსხაში), რომელიც მე-10 საუკუნით თარიღდება და ხშირად ეძახიან არაფრის კიდეზე აშენებულ მონასტერს. მონასტრის გზაზე არის უცნაური ბუნებრივი ხიდი, რომელსაც ეშმაკის ხიდს ეძახიან. მოგზაურობა დაახლოებით 7 საათს გასტანს და არის სასიამოვნო და უნიკალური გამოცდილება. ვახშამი და ღამის გათენება გორისის სასტუმროში. |
| დღე 5: | კარაჰუნჯი/სელიმის საქარავნო/ნორადუზი/სევანის ტბა. საუზმის შემდეგ ვიწყებთ ტურს კარაჰუნჯში (სტოუნჰენჯი), უძველესი ობსერვატორია, მე-6 ათასწლეული ქრისტეს შობამდე. იგი მდებარეობს ზღვის დონიდან 1770 მეტრზე და იკავებს 7 ჰექტარს. მონუმენტი შედგება დაახლოებით 223 ბაზალტის ქვისგან, რომლებსაც აქვს 4-5 სმ. სიგრძის ხვრელები (რაც ქვის ხანისთვის გასაოცარი სიგლუვით გამოირჩევა). 2001 წელს კარაჰუნჯის მახლობლად ბევრი კლდეზე გაკეთებული ნახატი აღმოაჩინეს, რომლებიც ასტრონომიის კუთხით დიდ ინტერესს იწვევს. მანქანით გავეშურებით ტბა სევანისკენ, სელიმ პასის გავლით, სადაც მე-14 საუკუნის საქარავნოს მოვინახულებთ. სელიმის საქარავნო აშენდა 1332 წელს პრინც ჩესარ ორბელიანის მიერ, სომხურ და არაბულ წყაროებში იგი მოიხსენიება, როგორც მნიშვნელოვანი სავაჭრო წერტილი ცნობილ აბრეშუმის გზაზე. ვეწვევით აგრეთვე ნორადუზს, მე-6 საუკუნის სასაფლაოს, შუა საუკუნეების ხაჩკარებით (ქვაზე ამოტვიფრული ჯვრები). ერევნის ჩრდილოეთით დაახლოებით 70 მილის დაშორებით მდებარეობს სევანის ტბა, რომელიც არის მსოფლიოში უდიდესი ალპური ტბა. უზარმაზარი მთის ტბა, რომელსაც სომხეთის ტერიტორიის 5% უკავია, არის 2,000 მეტრზე ზღვის დონიდან და მსოფლიოს მეორე ყველაზე მაღლა მდებარე მტკნარწყლიან ტბად ითვლება. ვახშამი და ღამის გათენება სევანის სასტუმროში "ავან მარაკ ტსაპატაგი". |
| დღე 6: | სევანი/დილიჯანი/ჰაგპატი/სანაჰინის მონასტერი/ძორაგეთი გავემგზავრებით სევანის ტბიდან, სომხეთის ჩრდილოეთით, არაჩვეულებრივი დილიჯანის ტყიანი რეგიონის გავლით, სადაც თქვენ შეგიძლიათ მუზეუმის ქუჩით გავლა მე-19 საუკუნის შენობებს შორის, მოვინახულებთ კერამიკული ნამუშევრებისა და ხის მთლელების სახელოსნოს. ვეწვევით გოშავანკის კომპლექსს დილიჯანის რაიონში. იგი მდებარეობს ხშირ მუხის ტყეში, პატარა, მაგრამ დაუდეგარი მთის კალთაზე. იგი ბუნებისა და არქიტექტურის შესანიშნავ ნაზავს წარმოადგენს. გოშავანკის კომპლექსი დაარსდა მე-11-13 საუკუნეებში. ტურს ვაგრძელებთ სანაჰინის (966 წ.) და ჰაგპატის (976 წ.) არქიტექტურული კომპლექსებისაკენ, რომლებიც შუა საუკუნეების სომხური არქიტექტურის შესანიშნავი ნიმუშებია და შეტანილია იუნესკოს მსოფლიო კულტურული მემკვიდრეობის ძეგლების ნუსხაში. მონუმენტების არქიტექტურას ერთმანეთთან ბევრი რამ აქვს საერთო და ზოგიერთ შემთხვევაში იდენტურია, რაც გვაფიქრებინებს, რომ ისინი ერთი და იმავე სკოლის ხელოსნებმა შექმნეს. ვახშამი და ღამის გათენება სასტუმრო ავან ძორაგეთში. |
| დღე 7: | ძორაგეთი/საგმოსავანკი/ამბერდის ციხესიმაგრე/ბიურაკანის ასტროფიზიკული ობსერვატორია/ერევანი ამ დღეს დავტოვებთ ძორაგეთს და გავეშურებით საგმოსავანკის მონასტრისკენ, რომელიც ულამაზეს ადგილას, აშტარაკის ღრმა კანიონთან მდებარეობს. ამბერდის ციხესიმაგრის მონახულება, მე-9 საუკუნე, რომელიც სოფელ ბიურაკანიდან 6 კილომეტრში, მთა არაგატის შუაში, 2300 მეტრზე მდებარეობს. ციხესიმაგრე დგას კლდოვან კონცხზე, რომელიც ამბერდისა და არხაშენის მდინარეებისგან არის წარმოქმნილი. არის აგრეთვე სამსართულიანი სასახლის ნანგრევები, ეკლესია, რომელიც 1026 წელს იქნა აშენებული, სასახლის აბაზანა, ცენტრალური გათბობის სისტემა, წყლის ავზები, წყალმომარაგების სისტემა, საიდუმლო გასასვლელი და სხვა შენობები. ბიურაკანის სოფელში გამგზავრება, აქ ბიურაკანის ასტროფიზიკული ობსერვატორია მდებარეობს, რომელიც 1946 წელს ვიქტორ ამბარცუმიანის მიერ დაარსდა. აქ იყო საბჭოთა კავშირის მთავარი ასტრონომიული ცენტრი. ობსერვატორიამ აღმოაჩინა თანავარსკვლავედები და ასობით გალაქტიკა. საბჭოთა კავშირის დაშლის შემდეგ ობსერვატორიას მძიმე დღეები დაუდგა. იგი მასპინძლობდა ორ დიდ ასტრონომიულ კონფერენციას და ითვლება ასტრონომიული გამოკვლევების რეგიონალურ ცენტრად. ერევანში დაბრუნება. ვახშამი და ღამის გათნება ერევნის სასტუმროში. |
| დღე 8: | ეხმიაძინი/ზვარნოტი/ვერნისაჟი სასტუმროში საუზმის შემდგომ ეხმიაძინში გამგზავრება, რომელიც ერევნიდან დაახლოებით 20 კმ.-ში მდებარეობს. გზაზე ვეწვევით წმ. რიპსიმეს ეკლესიას, რომელიც სომხეთის 7 საოცრებაში შედის. ეხმიაძინის საკათედრო ტაძარი ცნობილია როგორც სომხური გრეგორიანული ეკლესიის ცენტრი და მსოფლიოს პირველი ქრისტიანული ეკლესია. ლეგენდის თანახმად იესო ქრისტე სწორედ აქ დაეშვა სამოთხიდან, რათა ეჩვენებინა, თუ სად აეგოთ ეკლესია. ამიტომ ეხმიაძინი ნიშნავს "ციდან დაშვებულ ერთადერთ შვილს". ეკლესია აშენდა 301-303 წლებში სომეხი მეფის, ტირიდატე მე-3-ის და პირველი კათოლიკეს წმ. გრეგორი განმანათლებლის მიერ. იგი შესულია იუნესკოს მსოფლიო კულტურული მემკვიდრეობის ნუსხაში. ლანჩი ერევანში ნაციონალურ რესტორანშილ. ვეწვევით ღია ცის ქვეშ ბაზრობას ვერნისაჟს, სადაც უიკენდებზე ასობით გამყიდველი შემოგთავაზებთ ნაკეთობების ფართო არჩევანს. აქ შეხვდებით ანტიკვარიატს, შალის ხალიჩებს, ნაქარგებს, სხვადასხვა ხის ნაკეთობებს და ა.შ. სურვილისამებრ ვეწვევით ერევნის ბრენდის ქარხანას. ვახშამი რესტორანში და ღამის გათენება ერევანში. |
| დღე 9: | მათენადარანი/გარნი/გეგჰარდი მათენადარანის მონახულება, უძველესი ხელნაწერების საცავი. აქ არის მრავალსაუკუნოვანი ისტორიული დოკუმენტები მთელი ევროპიდან და აზიიდან. არის აგრეთვე პირვველი ასლი ბიბლიისა სომხურად და სახარება, რომელიც აღაფრთოვანებს თავისი ულამაზესი გაფორმებით. მათენადარანის მონახულება, უძველესი ხელნაწერების საცავი. აქ არის მრავალსაუკუნოვანი ისტორიული დოკუმენტები მთელი ევროპიდან და აზიიდან. არის აგრეთვე პირველი ასლი ბიბლიისა სომხურად და სახარება, რომელიც აღაფრთოვანებს თავისი ულამაზესი გაფორმებით. გარნის ეკლესის დათვალიერება. გარნი არის ულამაზესი ელინური პერიოდის მონუმენტი და სომხური არქიტექტურის შთამბეჭდავი ნიმუში. იგი აიგო პირველ საუკუნეში სომეხი მეფის, ტირიდატეს მიერ და სავარაუდოდ მიძღვნილია ღმერთი მიტრასადმი, მზის ღმერთი, რომლის ქანდაკება იდგა საკურთხევლის სიღრმეში. ქრისტიანობის სახელმწიფო რელიგიად გამოცხადების შემდეგ, 301 წელს, სავარაუდოდ გარნი გამოიყენებოდა მეფეების საცხოვრებლად. ლანჩი გარნში, ერთ-ერთ სახლში, სადაც თქვენ საშუალება გექნებათ ნახოთ როგორ ცხვება სომხური "ლავაში" და მწვადის შეწვის პროცესი მიწაში გაკეთებულ ღუმელში "ტონირი". გარნის ჩრდილო-დასავლეთით აზატის მდინარის გასწვრივ არის შუა საუკუნეების შესანიშნავი არქიტექტურის ნიმუში - გეგჰარდის მონასტერი, რომელიც შესულია იუნესკოს მსოფლიო კულტურული მემკვიდრეობის ძეგლთა ნუსხაში. გეგჰარდი არის მეორე არაჩვეულებრივი უძველესი სომხური მონასტერი, რომლის ნაწილიც მდებარეობს მთაში. სახელწოდება ითარგმნება, როგორც "შუბის მონასტერი", რომელიც წამოვიდა შუბიდან, რომლითაც დაჭრეს იესო ქრისტე მისი ჯვარცმის დროს, იგი სომხეთში ჩამოიტანა მოციქულმა თადეუსმა და შენახულ იქნა ბევრ სხვა რელიკვიასთან ერთად. ამჟამად ისტორიული შუბი ინახება ეხმიაძინის საგანძურში. შენობაში შესასვლელი გარემოცულია სამი მხრიდან მაღალი კედლით და მეოთხე მხარეს მთით. მონასტრის კომპლექსის გარეთ არის რამოდენიმე გამოქვაბული, რომელშიც არის რამოდენიმე პატარა გამოქვაბული ოთახი. უკან დაბრუნება. გამოსამშვიდობებელი ბანკეტი და ღამის გათენება ერევნის სასტუმროში. |
| დღე 10: | გამგზავრება საუზმე სასტუმროში. აეროპორტში გაცილება. |
მოთხოვნის შემთხვევაში მოგაწვდით დამატებით დეტალებს
შენიშვნა: ტურის ხანგრძლივობა უნდა ჯდებოდეს თქვენი ჩამოსვლისა და გამგზავრების თარიღებს შორის.
პაკეტი მოიცავს:
- აეროპორტი-სასტუმრო-აეროპორტი დახვედრას, სასტუმროში განთავსებასა და გაცილებას;
- შიდა მგზავრობას;
- ტურის გიდს;
- სასტუმროს (ქალაქებში) ორ-კაციან ნომერში მოწყობას;
- სამჯერადი კვება: საუზმე, ლანჩი, ვახშამი
- მუზეუმში შესასვლელი ხარჯები
- გამოსამშვიდობებელი ბანკეტი ნაციონალურ რესტორანში
- ღვინის დაგემოვნება
ფოტო გალერეა
 |  |  | ||
 |  |  | ||
 |  | |||