| ENG | GEO |
|
ინფო-თბილისის ტურები ტურები საქართველოში მისამართი: თბილისი, ნ. ნიკოლაძის ქუჩა 6 ტელეფონი: +995 32 218 22 44; +995 32 294 58 84 მობილური: +995 599 33 33 53 ფაქსი: +995 32 298 72 54 ელ-ფოსტა: travel@info-tbilisi.com ვებ-გვერდი: http://travel.info-tbilisi.com/ |
|||
|
||||
 ჯიპ ტურები |
 აზერბაიჯანი |
 სომხეთი |
 კავკასია |
 ბაკურიანი |
 გუდაური |
| აღმოაჩინეთ მომხიბვლელი და იდუმალი კავკასია
კავკასია – კულტურული ტური (20 დღიანი) სამხრეთ კავკასიაში მოგზაურობა იწყება სომხეთიდან, ქვეყანა რომლის სიმცირე არასრულ წარმოდგენას გვიქმნის ამ რეგიონში მის ისტორიულ მნიშვნელობაზე. სომხეთში ქრისტიანობა დაახლოებით 301 წელს შევიდა, რამაც იგი პირველ ქრისტიანულ ერად აქცია და დღეს ეს მთიანი ქვეყანა აღსანიშნავია ეკლესიების სიმრავლით: საკათედრო ტაძრებით, მონასტრებით, რომელთა უმრავლესობა დათარიღებულია 9-10 საუკუნეებით – სომხეთის ოქროს ხანით. არსებობს მოსაზრება, რომ ყველა დასავლური ეკლესიის არქიტექტურა მომდინარეობს სწორედ ამ მიწიდან. სომხეთში გატარებული 5 დღის შემდეგ, ჩვენ გადავალთ საქართველოში. არსებობს ძველი ქართული ლეგენდა: როცა ღმერთი მსოფლიოს ხალხებისთვის მიწებს არიგებდა, ქართველები სვამდნენ და გვიან მივიდნენ, ღმერთმა უთხრა, რომ მათთვის მიწა აღარ დარჩა, რაზეც მათ უპასუხეს, რომ ისინი ჭიქას წევდნენ მის მოსახსენებლად. ღმერთს ძალიან ესიამოვნა და მისცა ქართველებს მიწის ის ნაწილი, რომელსაც თავისთვის იტოვებდა! საქართველო არის ულამაზესი, მისტიკური, რომანტიკული ქვეყანა, სავსე ლეგენდებითა და მითებით, - სწორედ აქ იპოვა ოქროს საწმისი იაზონმა, პრომეთე კავკასიონის ერთ-ერთ კლდეზე იყო მიჯაჭვული, ღმერთებისთვის ცეცხლის მოპარვის გამო. უშიშარ ქალთა ტომი, ამაზონები, ცხოვრობდნენ მდინარე თერგთან. აზერბაიჯანს, თურქეთისა და სომხეთს შორის მოთავსებული საქართველო შეიძლება აღწერილ იქნას, როგორც ევროპის ძირითადი გზაჯვარედინი, რის გამოც იგი მრავალჯერ ყოფილა დაპყრობილი, მაგრამ დღემდე ინარჩუნებს თავის უნიკალურ კულტურასა და მემკვიდრეობას. თქვენ შეგიძლიათ ტურის დამატება ხუთ-დღიანი ექსკურსიით აზერბაიჯანში, მომხიბლელ ქვეყანაში, რომლის კომპლექსური ისტორია რამოდენიმე ათასწლეულს ითვლის. ჩვენ ვიმოგზაურებთ შეკში, რომელიც ადრეულ წლებში მნიშვნელოვან ცენტრად ითვლებოდა, ვნახავთ დედაქალაქს ბაქოს, რომელიც კასპიის ზღვასთან მდებარეობს. |
|
| დღე 1: | ერევანში ჩასვლა, აეროპორტში დახვედრა. სასტუმროში განთავსება. ღამის გათენება. |
| დღე 2: | ერევანი/გარნი. სომხეთის დედაქალაქი, კოსმოპოლიტენი, ყოველთვის საქმიანი ქალაქი, მოთავსებულია ძლიერი არაგატის (4090მ) მთის ჩრდილში, ქალაქი, რომელიც სწრაფად ვითარდება, თუმცა არ ივიწყებს თავის ტრაგიკულ წარსულს. მოწმენდილი დღის დროს იშლება არაჩვეულებრივი ხედები არარატის დაბლობიდან თურქეთის არარატის მთის სილუეტზე, ერთ დროს “დიდი სომხეთის” ნაწილი და სომხებისთვის სიმბოლო სახელოვანი წარსულის. უპირველეს ყოვლისა ჩვენ ვეწვევით მნიშვნელოვან მატენადარანის ბიბლიოთეკას, რომელიც 17,000-ზე მეტ იშვიათ ხელნაწერს იტევს. შემდეგ ჩვენ გავეშურებით ექსტრაორდინალური რომაული გარნის სანახავად, რომელიც მდებარეობს ერევნის აღმოსალეთით. აქ ძირითადი ღირშესანიშნაობა არის განსაკუთრებით კარგად შემონახული მზის ტაძარი (I საუკუნე). გარნის საინტერესო და უჩვეულო არქიტექტურა წარუშლელ შთაბეჭდილებას დატოვებს თქვენზე. ერევანში დაბრუნებამდე ჩვენ ვეწვევით გარნთან ახლოს გეგჰარდის მონასტერს. ღამის გათენება. |
| დღე 3: | ერევანი/წმინდა ეხმიაძინი. ამ დილით ჩვენ ვესტუმრებით წმინდა გრეგორის ეკლესიას ერევანთან ახლოს, ზვარტნოტში, ერთ-ერთი ყველაზე ადრეული ეკლესია სომხეთში და დამსახურებულად ერთ-ერთი ყველაზე ლამაზი მსოფლიოში. შემდეგ ეხმიაძინი, ყოფილი დედაქალაქი,სადაც მოვინახულებთ წმინდა სამონასტრო კომპლექსს. ვიმედოვნებთ, რომ სანამ ერევანში გავემგზავრებოდეთ, ჩვენ მოვისმენთ თუნდაც ნაწილს კვირის მსახურებიდან. ნაშუადღევს ვეწვევით გენოციდის მემორიალურ კომპლექსს, რის შემდეგაც ჩვენ თავისუფალი დრო გვექნება და შევძლებთ “ვერნისაჟის” ნახვას, საკვირაო ხელნაკეთობათა ბაზარი. ღამის გათენება. |
| დღე 4: | ამბერდის ციხესიმაგრე. ჩვენ ვტოვებთ დედაქალაქს და გავეშურებით ამბერდის ციხესიმაგრის ექსკურსიაზე, რომელიც მდებარეობს არაგატის მთის სამხრეთ ფერდობზე. მისი მშენებლობა დაიწყო მე-7 საუკუნეში და გაგრძელდა მე-11 საუკუნემდე. ციხესიმაგრე სამი მხრიდან გარშემორტყმულია ფრიალო კლეებით, რომელიც მას იცავდა დიდი ხნის მანძილზე, სანამ თემურლენგმა არ მოახერხა მისი დაპყრობა მე-14 საუკუნეში. ფეხით გავისეირნებთ და დავათვალიერებთ არარატის დაბლობის არაჩვეულებრივ ხედებს, რომელიც კარგად ჩანს უღრუბლო დღეს. ლეგენდარული ნოეს კიდობანის გაჩერების ადგილი, არარატის მთის ხედი ხომ ამ ადგილის მთავარი ღირშესანიშნაობაა. ღამის გათენება. |
| დღე 5: | ხორ ვირაპი/ნორავანკის მონასტერი, სელიმის უღელტეხილი, ჩამბარაკი. ჩვენ გავემგზავრებით ერევნიდან სამხრეთით არარატის დაბლობის გავლით, ხორ ვირაბაპის მონასტრის სანახავად. არარატის მთა აღმართულია მონასტრის უკან, რაც მშვენიერ ხედს ქმნის სურათების გადასაღებად. ჩვენი შემდეგი გაჩერება არის ნორავანკის მონასტერი, რომელიც მდებარეობს მთის ხვეულებზე. ნორავანკის მონასტერი არის ბუნებისა და არქიტექტურის ულამაზესი შეხამება. ჩვენ გავუყვებით გზას სელიმის უღელტეხილისაკენ – გასასვლელი, შუა საუკუნეების ხანიდან, როდესაც ჯერ კიდევ ფუნქციონირებდა აბრეშუმის გზა. ჩვენ გავაგრძელებთ ჩვენს გზას ფირუზისფერი სევანის ტბისკენ, რომელიც მდებარეობს 1900 მეტრზე ზღვის დონიდან და ცნობილია თავისი სილამაზითა და მასში მობინადრე თევზებით. ჩვენ ღამეს გავათენებთ მის ნაპირებზე ჩემბარაკში. ღამის გათენება. |
| დღე 6: | თბილისში გამგზავრება. ბოლო დილას სომხეთში, ჩვენ გავემგზავრებით ხვეული მთებით დილიჟანის ბუნებრივ რეზერვუარში, სადაც ვნახავთ შორეულ ჰაგარტსინის მონასტერს. იგი 300 წლის განმავლობაში შენდებოდა და ჰარმონიულად ერწყმის მთებს და ტყეებს, რომლებითაც იგი არის გარშემორტყმული. ჩვენს მგზავრობას გავაგრძელებთ ჩრდილოეთისაკენ, გავჩერდებით ჰაგპატის მონასტერთან, რომელიც შედის იუნესკოს მსოფლიო კულტურული მემკვიდრეობის ნუსხაში მისი არქიტექტურული ღირებულების გამო. ნაშუადღევს ჩავალთ საქართველოში და გავაგრძელებთ გზას თბილისისაკენ. თუ დრო ამის საშუალებას მოგვცემს, მოვინახულებთ ნარიყალას, ქალაქის ულამაზესი ხედების დასათვალიერებლად და შემდეგ შესაძლებლობა გექნება ისიამოვნოთ თბილისის სახელგანთქმული გოგირდის წყლის აბაზანებით. ღამის გათენება. |
| დღე 7: | თბილისი. საქართველოს დედაქალაქი, უძველესი ქალაქი. აქ არის სინაგოგა, მეჩეთი, ქართული ბაზილიკა, სომხური ეკლესია და ცეცხლთაყვანისმცემლების სამლოცველო, ყველაფერი ეს 15 წუთის სავალზე. ევროპის ერთ-ერთი ყველაზე მომხიბვლელი ქალაქი. ნახევარ დღეს ვისეირნებთ ფეხით, დავათვალიერებთ მეტეხის ტაძარს, სიონის საკათედრო ტაძარს და თბილისის სახელმწიფო მუზეუმს, რის შემდეგაც საკმარისი დრო დაგვრჩება თბილისის ქუჩებში სახეტიალოდ. ღამის გათენება. |
| დღე 8: | თბილისი/მცხეთა/ქუთაისი. ამ დილას ჩვენ დავტოვებთ დედაქალაქს და გავეშურებით მცხეთისკენ, რომელიც საქართველოს სულიერ ცენტრს წარმოადგენს. აქ ჩვენ ვნახავთ საქართველოს წმინდათა წმინდა ადგილს, სვეტიცხოველს. ამ მე-9 საუკუნის ნაგებობაში არის სიდონიას საფლავი, რომელმაც გულში ჩაიკრა მაცხოვრის კვართი და ისე განესვენა. ვნახავთ მე-6 საუკუნის ჯვრის მონასტერს. სანამ ხაშურისა და სურამისკენ გავემზგავრებით, მთებში რიკოთის უღელტეხილს ვნახავთ, რომელსაც აზიისა და ევროპის გასაყარს ეძახიან. აქ ვიწრო გზები ტყიან ხეობებზე გადის. ვნახავთ აგრეთვე რიონის, საქართველოს უმნიშვნელოვანესი მდინარის ნოყიერ ნაპირებს. ჩავალთ ქუთაისში, კოლხეთის სამეფოს უძველეს დედაქალაქში. სწორედ აქ მოიპარა იაზონმა მეფე აიეტისაგან ოქროს საწმისი, როდესაც მეფის ქალიშვილი მედეა შეუყვარდა. ჩვენ დავბინავდებით სასტუმროში ორი ღამით. ქუთაისი ყოველთვის იყო მნიშვნელოვანი ქალაქი და მრავალი წელი საქართველოს დედაქალაქი, როდესაც თბილისი დაკავებული ქონდათ არაბებს. ბაგრატ მეფისა და თამარის მეფობის ხანა (900-1200) ითვლება ოქროს ხანად და ქუთაისის ნაგებობების უმეტესობა სწორედ მაშინ იქნა აღმართული. ამჟამად იგი არის იმერეთის მთავარი ქალაქი. აქაური მოსახლეობა განთქმულია თავისი იუმორის გრძნობით და ასევე “ხაჭაპურით” – რომელიც მხოლოდ საქართველოში მზადდება. |
| დღე 9: | ქუთაისი/გელათი/მოწამეთა/ბაგრატი ამ დილით ჩვენ გავემგზავრებით გელათის სამონასტრო კომპლექსის დასათვალიერებლად, აკადემიური შენობა, რომელიც მოიცავს რამოდენიმე ეკლესიას. იგი აშენდა 1106 წელს დავით აღმაშენებლის მიერ, რომელიც წმინდანად იქნა შერაცხული. მეფეს სურდა, რომ გელათი ყოფილიყო ქრისტიანობის ცენტრი, აქ მრავალი მოსწავლე სასულიერო და სამხატვრო ხელოვნებას ეუფლებოდა. აქ გაკეთდა მრავალი საგანძური, რომელიც საუკუნეების განმავლობაში დაიკარგა, თუმცა შენობები და ფრესკები კარგადაა შემონახული. გელათის მდებარეობა, მთის წვერზე, ხედებით შორეული კავკასიონის მწვერვალებზე მას მეტ მომხიბვლელობას სძენს. მოგვიანებით ჩვენ გავეშურებით მოწამეთას შედარებით მცირე მონასტერიეს სანახავად, რომელიც მდებარეობს ხეობის თავზე. ქუთაისის სასტუმროში დაბრუნება. ნაშუადღევს, თავისუფალი დროის განმავლობაში შესაძლებელია ქუთაისის ქუჩების დათვალიერება. ბაგრატიის ტაძრის მონახულება, რომლის მშენებლობა დასრულებულ იქნა 1003 წელს. მისი მდგომარეობის მიუხედავად იგი წლების მანძილზე კვლავ ინარჩუნებს თავის ღირსებასა და დიდებას! ღამის გათენება. |
| დღე 10: | ქუთაისი/ბაკურიანი. ამ დღის მოგზაურობიდან ჩვენ დავრწმუნდებით ამ პატარა ქვეყნის გასაოცარ მრავალფეროვნებაში. გავეშურებით ბაკურიანის ალპური მდელოებისაკენ, თვალს შევავლებთ ბორჯომის ხეობის ულამაზეს ტყეებს. შევჩერდებით უბისის ეკლესიასთან, განთქმულს თავისი მე-14 საუკუნის ფრესკებით. ეკლესია დათარიღებულია მე-9 საუკუნით. ჩვენს გზას გავაგრძელებთ ბაკურიანის ულამაზესი მთის კურორტისკენ, სადაც ორ ღამეს გავატარებთ. ნაშუადღევს თქვენ გექნებათ ბევრი დრო რათა ადგილები დამოუკიდებლად დაათვალიეროთ. |
| დღე 11: | ბაკურიანი/ვარძია. პირველი გაჩერება ამ დღის ექსკურსიისთვის იქნება ხერთვისის ციხესიმაგრე, რომელიც მდებარეობს მდინარე ფარავნისა და მტკვრის შესართავთან, მაღალ კლდოვან მთაზე. შემდეგ ჩვენ ვნახავთ საქართველოს ერთ-ერთ ყველაზე მნიშვნელოვან ადგილს, ვარძიას. მე-12 საუკუნეში მეფე გიორგი III-ს მიერ აგებული სამონასტრო ანსამბლი, თურქეთის სასულთნოსგან თავდასაცავად (თურქეთის საზღვარი მხოლოდ 10 კმ.-ში მდებარეობს), ვარძია დასრულებულ იქნა მისი შვილის, თამარის (მოგვიანებით თამარ მეფის) მიერ, მან შექმნა გამოქვაბული სამონასტრო კომპლექსი, რომელიც საქართველოს კულტურულ ცენტრად იქცა. გამოქვაბულთა ეს ქსელი განთავსებული მდინარე მტკვირს ზემოთ, ერთ დროს 3,000-მდე გამოქვაბულს და რამოდენიმე ადგილებში 19 შრეს ითვლიდა, მათი უმეტესობა განადგურდა 1456 წლის დიდი მიწისძვრის შედეგად. აღმოჩენილ იქნა მხოლოდ 550 გამოქვაბული. არის რამოდენიმე ეკლესია, შეხვედრის დარბაზები, საცხოვრებელი, საკუჭნაო და სხვა ოთახები, რომლებიც ერთმანეთთან გვირაბებითაა დაკავშირებული. ბაკურიანში დაბრუნება. ღამის გათენება. |
| დღე 12: | ბაკურიანი/გუდაური. ჩვენ ვაგრძელებთ ჩვენს მოგზაურობას. გავჩერდებით გორში, სადაც საქართველოს ყველაზე ცნობილი შვილი, სტალინი დაიბადა. ვესტუმრებით მის მუზეუმს და გავიგებთ ფაქტებს მისი ცხოვრებიდან. საინტერესოა ის ფაქტი, რომ იგი სწავლობდა საქართელოს სასულიერო სემინარიაში, სანამ ამიერკავკასიაში მცხოვრები რუსი მარქსისტების გავლენით ჩაებმებოდა რევოლუციურ მოძრაობაში. ამბობენ, რომ საქართველო გადაურჩა სტალინურ რეჟიმს იმიტომ, რომ მას ეშინოდა თავისი ქრისტიანი დედის. შემდეგ ჩვენ ვნახავთ კლდეში ნაკვეთ ქალაქს “უფლისციხე”. აქ გაშენებულია მთლიანი ქალაქი ქუჩებითა და ეკლესიებით, სასახლეებითა და საცხოვრებელი სახლებით და ეს ყველაფერი მთაშია გამოკვეთილი. ძველი წელთაღრიცხვით პირველი ათასწლეულით დათარიღებული თანდათან იქცა სავაჭრო გზაზე მნიშვნელოვან დამაკავშირებლად ბიზანტიისა ინდოეთთან და ჩინეთთან. გავემგზავრებით აღმოსავლეთით და შემდეგ ჩრდილოეთით თოვლიანი კავკასიონისკენ. საქართველოს სამხედრო მაგისტრალზე, უაღრესად მნიშვნელოვანი სტრატეგიული დამაკავშირებელი მთების გავლით ჩრდილოეთ კავკასიასთან. ეს გზა უმნიშვნელოვანესი სავაჭრო ხაზი იყო ადრეული პერიოდიდან და აღწერილი იყო სტრაბოს მიერ, როგორც “სახიფათო მთის გზად”. ამის შემდეგ ჩვენ ვეწვევით ანანურის არქიტექტურულ კომპლექსს. ჩვენ მივაღწევთ გუდაურს და დავბინავდებით სასტუმროში 2 ღამით. ღამის გათენება. |
| დღე 13: | გუდაური/ყაზბეგი ყაზბეგი ძალიან ლამაზი რეგიონია, ალპური მდელოებითა და დათოვლილი მთის მწვერვალებით. გუდაური სათხილამურო კურორტია. ამ დღეს მოვანდომებთ გარემოს დათვალიერებას. ჩვენ ვგეგმავთ ფეხით გამგზავრებას ყაზბეგიდან გერგეთის სოფლამდე, წმინდა სამების ეკლესიის მონახულებას, რომელიც მდებარეობს მთის წვერზე და გადაჰყურებს კავკასიონის დათოვლილ მწვერვალებს, (დაახლოებით 3 საათი ფეხით სავალი). მითოლოგიურად ყაზბეგის მთაზე (უმაღლესი მწვერვალი აღწევს 5047 მეტრს) იყო მიჯაჭვული პრომეთე. კავკასიონის ეს ნაწილი არის დაცული ტერიტორია, იგი მდიდარია ფლორისა და ფაუნის მრავალფეროვნებით. საქართველოში არის 100 ზე მეტი სხვადასხვა სახის ძუძუმწოვარი და თუმცა ევროპული ბიზონი და კავკასიური ლეოპარდი გადაშენდა, აქ მთებში კიდევ არის მგლები, და დათვები. ღამის გათენება. |
| დღე 14: | ყაზბეგი/თელავი. კახეთის რეგიონი ცნობილია თავისი ღვინის წარმოებით და ამ დღეს ჩვენ ვეწვევით ადგილობრივ ღვინის მარანს, რომელიც 300 წელზე მეტ ხანს ფუნქციონირებს. სანამ თელავისკენ გავეშურებოდეთ, შესაძლებლობა მოგვეცემა დავაგემოვნოთ წითელი და თეთრი ღვინო. ღამის გათენება. |
| დღე 15: | თელავი/ალავერდი/შეკი. თელავი არის კახეთის მთავარი ქალაქი, ფართო და ნოყიერი ბარი, რომელსაც თოვლიანი კავკასიის მთები დაჰყურებს. შემდგომ ჩვენ აღმოვაჩენთ ელეგანტურ ალავერდის საკათედრო ტაძარს, რომელიც წმინდა გიორგის სახელობისაა. ნაშუადღევს ლაგოდეხიდან გადავკვეთთ საზღვარს, გადავალთ აზერბაიჯანში და გავეშურებით შეკის სანახავად. ღამის გათენება. |
| დღე 16: | შეკი ტყიანი დამრეცებისა და კავკასიის მთების კალთებში იმყოფება. საუკუნეების განმავლობაში შეკი მნიშვნელოვანი საბაზრო ქალაქი იყო აღმოავლეთ-დასავლეთ სავაჭრო გზაზე. აღმოსავლეთიდან კასპიის ზღვიდან, დასავლეთისაკენ კავკასიონის გასწვრივ დასავლეთით შავი ზღვისაკენ. შემდგომი სავაჭრო გზა გადიოდა ჩრდილოეთით, მთებით დაღესტანზე. სწორედ ამ გზამ აქცია შეკი მნიშვნელოვან კომერციულ ცენტრად - განსაკუთრებით მე-18-19 საუკუნეებში, როცა არ იყო 5 საქარავნოზე მეტი, რომელიც სთავაზობდა უსაფრთხო თავშესაფარს მოვაჭრეებს. ფეხით ვესტუმრებით სასახლის კომპლექსსა და მუზეუმს. ნაშუადღევს ვესტუმრებით სოფელ „კისს“, საიდანაც ფეხით გავეშურებით მიმზიდველი ტყეების გავლით გელერსენ გორასენის (“მოდი ნახე”)სასახლის ნანგრევებისაკენ. მან ეს სახელწოდება შეკის ხანისგან მიიღო 1740 წელს, რომელიც სპარსელებს იწვევდა, მოდით და თავად გამოცადეთ სიძლიერე ციხესიმაგრეებისს. ღამის გათენება. |
| დღე 17: | ბაქო. ჩვენ ვიმოგზაურებთ შეკიდან ბაქომდე, ისტორიულ სავაჭრო გზაზე. გექნებათ საშუალება დატკბეთ კავკასიონის ულამაზესი ხედებით. გავჩერდებით სამაკში. მიწა აქ წარმოუდგენლად მრავალფეროვანია: უსიცოცხლო უდაბნოები, მწვანე ტყეები. ღამის გათენება. |
| დღე 18 19: | ბაქო, ძველი ქალაქის ტური. ბაქოს ისტორია გრძელი და შთამბეჭდავია, არც თუ ისე შორეულ წარსულში, მე-20 საუკუნის დასაწყისში „ნავთობის ბუმის“ შემდეგ, როცა აზერბაიჯანმა აწარმოა ნახევარზე მეტი მსოფლიოს ნავთობის, დედაქალაქი ბაქო წარმოუდგენლად გაიზარდა და განვითარდა. ჩვენს პირველ დილას ვიხეტიალებთ ძველი ქალაქის მიხვეულ-მოხვეულ ქუჩებში, რომლის ძველი მეჩეთები, საქარავნოები, და გადმოკიდული ხის აივნები მოგვითხრობს ბაქოს ისტორიის წყნარ ერაზე. ჩვენ ვნახავთ მაიდენის კოშკს, ძლიერ რვა-სართულიან ციხესიმაგრეს და შირვან-შაჰის სასახლის კომპლექსს, რომლის ნაწილები დათარიღებულია მე-15 საუკუნით. ნაშუადღევს ჩვენ გავეშურებით ავტობუსით აბშერონის ნახევარკუნძულისაკენ, რომ ვნახოთ ზოროასტრიანული ატესგა (ცეცხლის სამლოცველო). მეორე დღე დავტოვეთ თავისუფალი, რათა თქვენ თვითონ შეძლოთ ამ გასაოცარი ქალაქის დათვალიერება, შესაძლებელია ვეწვიოთ განახლებულ ხალიჩების მუზეუმს, ძველი ბაქოს ანტიკვარიატისა და ხალიჩების ბაღაზიებს. სურვილისამებრ შესაძლებელია დავგეგმოთ ექსკურსია ქალაქის სამხრეთით ქობუსტანის არაჩეულებრივი პეტროგლიფების დასათვალიერებლად, რომელიც ქვის ხანით თარიღდება, თუმცა არის ასევე რომაელი მეომრის მიერ ამოკვეთილი წარწერები, რომელიც ითვლება აღმოსავლეთში აღმოჩენილ უძველეს ლათინურ წარწერად. ამ რეგიონში არის რამოდენიმე ე.წ. „ტალახის ვულკანები“ , რომლებიც მხოლოდ რამოდენიმე ფუტია სიმაღლეში, ეს საინტერესო გეოგრაფიული წარმონაქმნები ტალახს ამოისვრიან. ღამის გათენება. |
| დღე 20: | აეროპორტამდე მიცილება |
მოთხოვნის შემთხვევაში მოგაწვდით დამატებით დეტალებს
შენიშვნა: ტურის ხანგრძლივობა უნდა ჯდებოდეს თქვენი ჩამოსვლისა და გამგზავრების თარიღებს შორის.
პაკეტი მოიცავს:
- აეროპორტი-სასტუმრო-აეროპორტი დახვედრას, სასტუმროში განთავსებასა და გაცილებას;
- შიდა მგზავრობას;
- ტურის გიდს;
- სასტუმროს (ქალაქებში) ორ-კაციან ნომერში მოწყობას;
- სასტუმროში მოწყობა (სოფლებში)
- კვება: 1 ბოთლი მინერალური წყალი ერთ კაცზე დღეში
- შესასვლელი ფული მუზეუმებში
- გამოსამშვიდობებელი ბანკეტი ნაციონალურ რესტორანში
- ღვინის დაგემოვნება.
ფოტო გალერეა
 |  |  | ||
 | ||||