ვახო ბუღაძე

ვახო ბუღაძე

ვახო ბუღაძის გამოფენა ,,სამი, ოთხი“

საქართველოს ეროვნული მუზეუმი, პროექტის ,,თანამედროვე ხელოვნების გალერეა" ფარგლებში, თბილისის ისტორიის მუზეუმში წარმოგიდგენთ ვახო ბუღაძის გამოფენას ,,სამი, ოთხი". 

ვახო ბუღაძე თანამედროვე ხელოვნების ერთ-ერთი გამორჩეული წარმომადგენელია, რომლის მიერ გააზრებული ნებისმიერი თემატიკა, დაფარული სათქმელის ამოხსნით იწყება და მთავრდება. ძირითადად, მისი შემოქმედებითი გზა, სწორედ ხელოვნების, ქანდაკებისა და მხატვრობის შესაძლებლობათა რაფინირებული გამოყენებით, რეალობის მწვავე აღქმით ხასიათდება.

ავტორის თქმით, გამოფენაზე წარმოდგენილი ნამუშევრების ინსპირაციად იქცა 70-იან წლებში, უმეტესად მოყვარული ფოტოგრაფების მიერ გადაღებული შავ-თეთრი ფოტოები, სადაც ცალკეული უზუსტობების გამო ფოტოქაღალდი ზიანდებოდა, უჩნდებოდა ლაქები, ხანდახან საერთოდ იცვლიდა ფერს. ზოგჯერ ერთ ფოტოში ნეგატივიც და პოზიტივიც ერთდროულად ჩანდა. გამოფენა თანამედროვე ხელოვნების ძიებებს ასახავს და მოიცავს კონცეპტუალურად დატვირთულ და მრავლისმთქმელ ნამუშევრებს. 

ვახო ბუღაძესთან ერთად, პროექტში მონაწილეობენ ხელოვანები - გოგი ოქროპირიძე და კატრინ ბოლტი.

გამოფენის ფარგლებში, წარმოდგენილი იქნება დოკუმენტური ფილმი ვახო ბუღაძის შესახებ.

პროექტის ,,თანამედროვე ხელოვნების გალერეა" ფარგლებში, დაგეგმილი ვახო ბუღაძის კატალოგის პრეზენტაცია სხვა დანარჩენ კატალოგებთან ერთად, შედგება 2019 წლის 12 დეკემბერს, მრგვალი მაგიდის ღონისძიების პარალელურად. 

გამოფენის გახსნა: 27 ივნისი, 2019 | 19:00 

გამოფენის ხანგრძლივობა: 27 ივნისი - 10 სექტემბერი

მისამართი: იოსებ გრიშაშვილის სახელობის თბილისის ისტორიის მუზეუმი (ქარვასლა), სიონის ქუჩა #8

გამოფენის გახსნაზე დასწრება თავისუფალია!